Maitines para los tres Oficios

Se dice cuando se reza el martes y viernes

Para los tres Oficios

Antiphona. Spécie tua et pulchritúdine tua inténde, próspere procéde, et regna.

 

PSALMUS 44

​

Eructavit cor meum verbum bonum,
dico ego opera mea regi.
Lingua mea calamus scribae velociter scribentis.

 

Speciosus forma es prae filiis hominum,
diffusa est gratia in labiis tuis,
propterea benedixit te Deus in æternum.

 

Accingere gladio tuo super femur tuum, potentissime,
magnificentia tua et ornatu tuo.
Et ornatu tuo procede, currum ascende
propter veritatem et mansuetudinem et iustitiam.
Et doceat te mirabilia dextera tua:
sagittae tuae acutae
- populi sub te cadent -
in corda inimicorum regis.

 

Sedes tua, Deus, in saeculum saeculi;
sceptrum aequitatis sceptrum regni tui.

Dilexisti iustitiam et odisti iniquitatem,
propterea unxit te Deus, Deus tuus, oleo laetitiae prae consortibus tuis

​

Myrrha et aloe et casia omnia vestimenta tua;
e domibus eburneis chordae delectant te.

Filiae regum in pretiosis tuis;
astitit regina a dextris tuis ornata auro ex Ophir. -

 

Audi, filia, et vide et inclina aurem tuam
et obliviscere populum tuum et domum patris tui;
et concupiscet rex speciem tuam.
Quoniam ipse est dominus tuus, et adora eum.
Filia Tyri cum muneribus;
vultum tuum deprecabuntur divites plebis..

 

Gloriosa nimis filia regis intrinsecus,
texturis aureis circumamicta.
In vestibus variegatis adducetur regi;
virgines post eam, proximae eius, afferuntur tibi.
Afferuntur in laetitia et exsultatione,
adducuntur in domum regis.

​

Pro patribus tuis erunt tibi filii;
constitues eos principes super omnem terram.

 

Memor ero nominis tui
in omni generatione et generatione;
propterea populi confitebuntur tibi in aeternum
et in saeculum saeculi.

 

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen.

 

Para los tres Oficios

Antiphona. Specie tua et pulchritudine tua intende, prospere procede, et regna.

Antiphona. Adjuvabit eam Deus vultu suo: Deus in médio eius, non commovebitur.

 

PSALMUS 45

Deus est nobis refugium et virtus,
adiutorium in tribulationibus inventus est nimis. 

 

Propterea non timebimus, dum turbabitur terra,

et transferentur montes in cor maris.

 

Fremant et intumescant aquae eius, conturbentur montes in elatione eius.

 

Dominus virtutum nobiscum,
refugium nobis Deus Iacob.

 

Fluminis rivi laetificant civitatem Dei,
sancta tabernacula Altissimi.

 

Deus in medio eius, non commovebitur;
adiuvabit eam Deus mane diluculo. 

 

Fremuerunt gentes, commota sunt regna;
dedit vocem suam, liquefacta est terra.

 

Dominus virtutum nobiscum,
refugium nobis Deus Iacob. 

 

Venite et videte opera Domini,
quae posuit prodigia super terram.

 

Auferet bella usque ad finem terrae,
arcum conteret et confringet arma
et scuta comburet igne. 

 

Vacate et videte quoniam ego sum Deus:
exaltabor in gentibus et exaltabor in terra.

 

Dominus virtutum nobiscum,
refugium nobis Deus Iacob.

​

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen. ​

​

Para los tres Oficios

Antífona. Adjuvabit eam Deus vultu suo: Deus in medio eius, non commovebitur.

Antífona. Sicut lætantium omnium nostrum habitatio est in te, sancta Dei Genitrix.

 

PSALMUS 86

Fundamenta eius in montibus sanctis;
diligit Dominus portas Sion

super omnia tabernacula Iacob.

​

Gloriosa dicta sunt de te, civitas Dei! -
Memor ero Rahab et Babylonis inter scientes me;
ecce Philistaea et Tyrus cum Aethiopia:
hi nati sunt illic.

 

Et de Sion dicetur: “ Hic et ille natus est in ea;
et ipse firmavit eam Altissimus”.

 

Dominus referet in librum populorum:
“ Hi nati sunt illic ”.
Et cantant sicut choros ducentes:
“ Omnes fontes mei in te”.

 

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen. ​

 

Para los tres Oficios

Antiphona. Sicut lætantium omnium nostrum habitatio est in te, sancta Dei Genitrix. 

​

Al terminar los tres salmos y sus antífonas

 

℣. Diffúsa est gratia in labiis tuis.

℟. Propterea benedíxit te Deus in æternum.

Pater noster... (secreto)

℣. Et ne nos inducas in tentationem:

℟. Sed libera nos a malo.

 

Absolutio

Per preces et merita sanctissimæ Mariæ semper Virginis, et omnium Sanctorum, perducat nos Dominus ad regnum cælorum.

​

℟. Amen.

℣. Dignare, Domine, benedictionem tuam nobis donare.

 

Benedictio

Beata Virgo Maria benedicat nos in unione cum Filio suo divino.

℟. Amen.

 

Pequeño Capítulo

​

Para el Primer Oficio

(Desde la Purificación al Adviento) y

Tercer Oficio

(Desde Navidad hasta la Purificación)

 

Primera Lectura

Ecclesiasticus 24, 11-13.

              Et omnium excellentium et humilium corda virtute calcavi. In his omnibus requiem quaesivi: cuius in hereditate morabor? Tunc praecepit et dixit mihi Creator omnium, et, qui creavit me, quietem dedit tabernaculo meo et dixit mihi: “In Iacob inhabita et in Israel hereditare et in electis meis mitte radices”. Tu autem, Domine, miserere nobis.

​

℟. Deo gratias

 

Responsio

℣. O sancta et immaculata virginitas nescio quibus te laudibus extollam.

℟. Quem cæli capere non possunt, in utero gestasti.

℣. Benedicta tu in omnibus mulieribus, et benedictus fructus ventris tui.

℟. Quem cæli capere non possunt, in utero gestasti.

℣. Rogamus te, Domine, pro tua benedictione.

 

Benedictio

​

Ipsa Virgo virginum intercedat pro nobis ad Dominum.

​

℟. Amen.

 

Segunda Lectura

Ecclesiasticus 24, 15-16.

             Et in tabernaculo sancto coram ipso ministravi, et sic in Sion firmata sum et in civitate similiter dilecta requievi, et in Ierusalem potestas mea. Et radicavi in populo honorificato et in parte Domini, in hereditate illius, et in plenitudine sanctorum detentio mea. Tu autem, Domine, miserere nobis.

​

℟. Deo gratias.

 

Responsio

℣. Beata es, Virgo Maria, quæ genuisti Dominum, Creatorem mundi.

℟. Genuisti, qui te fecit, et in æternum permanes virgo.

℣. Ave Maria, gratia plena; Dominus tecum.

℟. Genuisti, qui te fecit, et in æternum permanes virgo.

℣. Gloria al Padre, al Hijo, y al Espíritu Santo.

℟. Genuisti, qui te fecit, et in æternum permanes virgo.

℣. Rogamus te, Domine, pro tua benedictione.

 

Benedictio

Per Virginem Matrem concedat nobis Dominus salutem et pacem.

℟. Amen.

 

Tercera Lectura

Ecclesiasticus 24, 17-20.

                         Quasi cedrus exaltata sum in Libano, et quasi cupressus in montibus Hermon. Quasi palma exaltata sum in Engaddi, et quasi plantatio rosae in Iericho. Quasi oliva speciosa in campis, et quasi platanus exaltata sum iuxta aquam in plateis. Sicut cinnamomum et balsamum aromatizans odorem dedi; quasi myrrha electa dedi suavitatem odoris. Tu autem, Domine, miserere nobis.

​

℟. Deo gratias

 

Cuando se dice el Te Deum se omite el siguiente Responsorio

 

Responsio

℣. O sancta et immaculata virginitas nescio quibus te laudibus efferam, nescio.

℟. Quia quem cæli capere non poterant, tuo gremio contulisti.

℣. Benedicta tu in omnibus mulieribus, et benedictus fructus ventris tui.

℟. Quia quem cæli capere non poterant, tuo gremio contulisti.

℣. Oramus te, Domine, pro tua benedictione.

 

Benedictio

           Ipsa Virgo virginum intercedat pro nobis ad Dominum.

℟. Amen.

​

El Segundo Oficio 

(Adviento)

 

Primera Lectura

Lucam 1, 26-28.

             In mense autem sexto missus est angelus Gabriel a Deo in civitatem Galilaeae, cui nomen Nazareth, ad virginem desponsatam viro, cui nomen erat Ioseph de domo David, et nomen virginis Maria. Et ingressus ad eam dixit: “Ave, gratia plena, Dominus tecum”. Tu autem, Domine, miserere nobis.

 

℟. Deo gratias.

 

Responsio

℣. Missus est Gabriel Angelus ad Maríam Vírginem, desponsátam Joseph, nuntians ei Verbum: Et expavescit Virgo de lúmine. Ne timeas Maria: invenisti gratiam apud Dominum.

℟. Ecce concipies et paries, et vocabitur Altissimi Filius.

℣. Dabit illi Dominus Deus sedem David patris eius, et regnabit in domo Iacob in æternum.

℟. Ecce concipies et paries Filium, et vocabitur Altissimi Filius.

℣. Rogamus te, Domine, pro tua benedictione.

 

Bendictio

Ipsa Virgo Virginum intercedat pro nobis ante Dominum.

℟. Amen.

 

Segunda Lectura

Lucam 1, 29-33.

              Ipsa autem turbata est in sermone eius et cogitabat qualis esset ista salutatio.  Et ait angelus ei: “ Ne timeas, Maria; invenisti enim gratiam apud Deum. Et ecce concipies in utero et paries filium et vocabis nomen eius Iesum. Hic erit magnus et Filius Altissimi vocabitur, et dabit illi Dominus Deus sedem David patris eius, et regnabit super domum Iacob in aeternum, et regni eius non erit finis ”. Tu autem, Domine, miserere nobis.

℟. Deo gratias.

 

Responsio

℣.  Ave Maria, gratia plena; Dominus tecum.

℟. Spiritus Sanctus superveniet in te, et virtus Altissimi obumbrabit tibi. Quod enim ex te nascetur, Sanctum, vocabitur Filius Dei.

℣. Quomodo fiet istud, quoniam virum non cognosco? Et respondens angelus, dixit ei:

℟. Spiritus Sanctus superveniet in te, et virtus Altissimi obumbrabit tibi. Quod enim ex te nascetur, Sanctum, vocabitur Filius Dei.

℣. Gloria Patri, et Filio, et Spiritui Sancto.

℟. Spiritus Sanctus superveniet in te, et virtus Altissimi obumbrabit tibi. Quod enim ex te nascetur, Sanctum, vocabitur Filius Dei.

℣. Rogamus te, Domine, pro tua benedictione.

 

Bendictio

Per Virginem Matrem concedat nobis Dominus salutem et pacem. 

℟. Amén.

​​

Tercera Lectura

Lucam 1, 34-38

 

          Dixit autem Maria ad angelum: “Quomodo fiet istud, quoniam virum non cognosco?”. Et respondens angelus dixit ei: “Spiritus Sanctus superveniet in te, et virtus Altissimi obumbrabit tibi: ideoque et quod nascetur sanctum, vocabitur Filius Dei.  Et ecce Elisabeth cognata tua et ipsa concepit filium in senecta sua, et hic mensis est sextus illi, quae vocatur sterilis, quia non erit impossibile apud Deum omne verbum”. 
Dixit autem Maria: “Ecce ancilla Domini; fiat mihi secundum verbum tuum”. Et discessit ab illa angelus. Tu autem, Domine, miserere nobis.

​

℟. Deo gratias.

​

Responsio

​

℣.  Suscipe verbum, Virgo Maria, quod tibi a Dómino per angelum transmissum est: concipies et paries Deum pariter et honimem.

℟. Ut benedicta dicaris inter omnes mulieres.

℣. Paries quidem filium, et virginitatis non patieris detrimentum: efficieris gravida, et eris mater semper intecta.

℟. Ut benedicta dicaris inter omnes mulieres.

℣. Gloria Patri et Filio et Spiritui Sancto.

℟. Ut benedicta dicaris inter omnes mulieres.

​​​

             El Te Deum no se dice desde Septuagésima hasta Pascua más que en las fiestas de Nuestra Señora y de San José; en su lugar se dice:

 

℟. Quia beata es, beata Virgo Maria, et omni laude dignissima: A te enim sol justitiæ, Christus Deus noster.

℣. Ora pro populo, interveni pro clero, intercede pro devotæ mulieres: sentiant tuum auxilium omnes qui celebrant tuam sanctam commemorationem.

℟. Quia ex te orta est sol justitiæ.

℣. Gloria Patri, et Filio, et Spiritui Sancto. 

℟. Christus Deus noster.

 

En el Adviento no se dice el Te Deum, excepto en las fiestas de la Santisma Virgen.

Cuando se dice Te Deum se omite el tercer resposorio y gloria al Padre (Porque eres feliz…)

 

Te Deum Laudamus

(cuando corresponda su rezo)

 

Te Deum laudámus: te Dominum confitémur.
Te ætérnum Patrem omnis terra venerátur.

Tibi omnes Ángeli; tibi cæli et univérsæ potestátes.
Tibi Chérubim et Séraphim incessábili voce proclámant:

 

(Reverencia) 

Sanctus, Sanctus, Sanctus, Dóminus Deus Sábaoth.

Pleni sunt cæli et terra majestátis glóriæ tuæ.
Te gloriósus Apostolórum chorus;
Te Prophetárum laudábilis númerus;
Te Mártyrum candidátus laudat exércitus.

Te per orbem terrárum sancta confitétur Ecclésia:
Patrem imménsæ majestátis;
Venerándum tuum verum et únicum Fílium;

Sanctum quoque Paráclitum Spíritum.
Tu Rex glóriæ, Christe.
Tu Patris sempitérnus es Fílius.

​

(Reverencia) 

Tu ad liberándum susceptúrus hóminem, non horruísti Vírginis úterum.

Tu, devícto mortis acúleo, aperuísti credéntibus regna cælórum.
Tu ad déxteram Dei sedes, in glória Patris.
Judex créderis esse ventúrus.

 

(El siguiente verso se dice de rodillas)

Te ergo quaésumus, tuis fámulis súbveni, quos pretióso sánguine redemísti.
 

Ætérna fac cum sanctis tuis in glória numerári.
Salvum fac pópulum tuum, Dómine, et bénedic hæreditáti tuæ.
Et rege eos, et extólle illos usque in ætérnum.
Per síngulos dies benedícimus te.

​

(Reverencia, como es costumbre) 

​

Et laudámus nomen tuum in saéculum, et in saéculum saéculi.
Dignáre, Dómine, die isto sine peccáto nos custodíre.
Miserére nostri, Dómine, miserére nostri.
Fiat misericórdia tua, Dómine, super nos, quemádmodum sperávimus in te.
In te, Dómine, sperávi: non confúndar in ætérnum.

 

Oremus

(Para los tres Oficios)

             Deus, qui de beatæ Mariæ Virginis utero Verbum tuum, Angelo nuntiante, carnem suscipere voluisti: præsta supplicibus tuis, ut, qui vere eam Genitricem Dei credimus, ejus apud te intercessionibus adjuvemur per eundem Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia sæcula saeculorum.

℟. Amen.

 

Conclusio

℣. Domine, exaudi orationem meam.

℟. Et clamor meus ad te veniat.

℣. Benedicamus Domino.

℟. Deo gratias.

℣. Fidelium animæ per misericordiam Dei requiescant in pace.

℟. Amen.

 

             Pater noster, qui es in cælis, sanctificetur nomen tuum; adveniat regnum tuum; Fiat voluntas tua, sicut in cælo et in terra. Panem nostrum quotidianum da nobis hodie; sicut et nos dimittimus debitoribus nostris. Et ne nos inducas in tentationem, sed libera nos a malo. Amen.

 

Se sigue con Laudes

 

Si aquí se termina el oficio se rezan las: Oraciones para después del Oficio (A la Santísima e Indivisa Trinidad…

y la antífona mariana correspondiente).

 

 

Ir al índice de Oficios