Para los tres Oficios

Antiphona. Gaude, Maria Virgo: cunctas hæreses sola interemisti in universo mundo.

PSALMUS 95

Cantate Domino canticum novum,
cantate Domino, omnis terra.
Cantate Domino, benedicite nomini eius,
annuntiate de die in diem salutare eius.

Annuntiate inter gentes gloriam eius,

in omnibus populis mirabilia eius.

Quoniam magnus Dominus et laudabilis nimis,
terribilis est super omnes deos.

Quoniam omnes dii gentium inania,
Dominus autem cælos fecit.
Magnificentia et pulchritudo in conspectu eius,
potentia et decor in sanctuario eius.

 

Afferte Domino, familiae populorum,
afferte Domino gloriam et potentiam,
afferte Domino gloriam nominis eius.
Tollite hostias et introite in atria eius,​

adorate Dominum in splendore sancto.
Contremiscite a facie eius, universa terra;
dicite in gentibus: “Dominus regnavit!”.
Etenim correxit orbem terræ, qui non commovebitur;
iudicabit populos in æquitate.

 

Lætentur cæli, et exsultet terra,
sonet mare et plenitudo eius;
gaudebunt campi et omnia, quæ in eis sunt.
Tunc exsultabunt omnia ligna silvarum​

a facie Domini, quia venit,
quoniam venit iudicare terram.
Iudicabit orbem terræ in iustitia
et populos in veritate sua.

​

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen.

 

Para los tres Oficios

Antiphona. Gaude, Maria Virgo: cunctas hæreses sola interemisti in universo mundo.

​

Antiphona. Dignare me laudare te, Virgo sacrata: da mihi virtutem contra hostes tuos.

 

PSALMUS 96

Dominus regnavit! Exsultet terra,
lætentur insulae multae.
Nubes et caligo in circuitu eius,
iustitia et iudicium firmamentum sedis eius.

Ignis ante ipsum praecedet
et inflammabit in circuitu inimicos eius.
Illustrarunt fulgura eius orbem terræ:
vidit et contremuit terra.

 

Montes sicut cera fluxerunt a facie Domini,
a facie Domini omnis terra.
Annuntiaverunt caeli iustitiam eius,
et viderunt omnes populi gloriam eius.

Confundantur omnes, qui adorant sculptilia,
et qui gloriantur in simulacris suis.
Adorate eum, omnes angeli eius.​

Audivit et lætata est Sion,
et exsultaverunt filiae Iudæ
propter iudicia tua, Domine.

Quoniam tu Dominus, Altissimus super omnem terram,
nimis exaltatus es super omnes deos.

 

Qui diligitis Dominum, odite malum;
custodit ipse animas sanctorum suorum,
de manu peccatoris liberabit eos.

​

Lux orta est iusto,
et rectis corde lætitia.

Laetamini, iusti, in Domino
et confitemini memoriae sanctitatis eius.

​​

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen.

​

Para Primero y Tercer Oficios

Antiphona. Dignare me laudare te, Virgo sacrata: da mihi virtutem contra hostes tuos.

​

Antiphona. Post partum Virgo, inviolata permansisti: Dei Genetrix, intercede pro nobis.

 

Durante el Adviento , Segundo Oficio y en la fiesta de la Anunciación.

Antiphona. Angelus Domini nuntiavit Mariæ, et concepit de Spiritu Sancto.

 

PSALMUS 97

Cantate Domino canticum novum,
quia mirabilia fecit.

Salvavit sibi dextera eius,
et brachium sanctum eius.

Notum fecit Dominus salutare suum,
in conspectu gentium revelavit iustitiam suam.
Recordatus est misericordiae suæ
et veritatis suæ domui Israel.

Viderunt omnes termini terræ
salutare Dei nostri.

Iubilate Deo, omnis terra;
erumpite, exsultate et psallite.

Psallite Domino in cithara,
in cithara et voce psalmi;
in tubis ductilibus et voce tubae corneæ,
iubilate in conspectu regis Domini.

 

Sonet mare et plenitudo eius,
orbis terrarum et qui habitant in eo.
Flumina plaudent manu,
simul montes exsultabunt a conspectu Domini,

quoniam venit iudicare terram.

Iudicabit orbem terrarum in iustitia
et populos in æquitate.

 

Gloria Patri, et Filio, et Spiritui Sancto,

sicut erat in principio, et nunc, et semper,

et in sæcula seculorum. Amen.

 

Para Primero y Tercer Oficios

Antiphona. Post partum Virgo, inviolata permansisti: Dei Genetrix, intercede pro nobis.

 

Durante el Adviento

Antiphona. Angelus Domini nuntiavit Mariæ, et concepit de Spiritu Sancto.​​

 

Al terminar los tres salmos y sus antífonas

​

℣. Diffusa est gratia in labiis tuis.

℟. Propterea benedixit te Deus in æternum.

​

Pater noster... (secreto)

℣. Et ne nos inducas in tentationem:

℟. Sed libera nos a malo.

 

Absolutio

     Precibus et meritis beatæ Mariæ semper Virginis, et omnium Sanctorum, perducat nos Dominus ad regna cælorum.​

℟. Amen.

​

Benedictio

℣. Jube, domne, benedicere.

Nos cum prole pia benedicat Virgo Maria.

℟. Amen.

 

Pequeño Capítulo

Este conjunto de tres lectios se rezan en cada uno de los tres Oficios,

solo varian los salmos y las antífonas antes presentados.

​

Para el Primer Oficio

(Desde la Purificación al Adviento) y

Tercer Oficio

(Desde Navidad hasta la Purificación)

 

Primera Lectura

Ecclesiasticus 24, 11-13.

              Et omnium excellentium et humilium corda virtute calcavi. In his omnibus requiem quaesivi: cuius in hereditate morabor? Tunc praecepit et dixit mihi Creator omnium, et, qui creavit me, quietem dedit tabernaculo meo et dixit mihi: “In Iacob inhabita et in Israel hereditare et in electis meis mitte radices”. Tu autem, Domine, miserere nobis.

​

℟. Deo gratias

 

Responsio

℣. Sancta et immaculata virginitas, quibus te laudibus efferam, nescio.

℟. Quia quem cœli capere non poterant, tuo gremio contulisti.

℣. Benedicta tu in mulieribus, et benedictus fructus ventris tui.

℟. Quia quem cœli capere non poterant, tuo gremio contulisti.

℣. Jube, dome, benedicere.

 

Benedictio

​

Ipsa Virgo virginum intercedat pro nobis ad Dominum.

​

℟. Amen.

 

Segunda Lectura

Ecclesiasticus 24, 15-16.

             Et in tabernaculo sancto coram ipso ministravi, et sic in Sion firmata sum et in civitate similiter dilecta requievi, et in Ierusalem potestas mea. Et radicavi in populo honorificato et in parte Domini, in hereditate illius, et in plenitudine sanctorum detentio mea. Tu autem, Domine, miserere nobis.

​

℟. Deo gratias.

Responsio

℣. Beata es, Virgo Maria, quæ Dominum portasti, Creatorem mundi.

℟. Genuisti qui te fecit, et in æternum permanes virgo.

℣. Ave Maria, gratia plena; Dominus tecum.

℟. Genuisti qui te fecit, et in æternum permanes virgo.

℣. Gloria Patri, et Fílio, et Spiritui Sancto.

℟. Genuisti qui te fecit, et in æternum permanes virgo.

​

 

Benedictio

℣. Jube, domne, benedicere.

Per Virginem Matrem concedat nobis Dominus salutem et pacem.

℟. Amen.

 

Tercera Lectura

Ecclesiasticus 24, 17-20.

                         Quasi cedrus exaltata sum in Libano, et quasi cupressus in montibus Hermon. Quasi palma exaltata sum in Engaddi, et quasi plantatio rosae in Iericho. Quasi oliva speciosa in campis, et quasi platanus exaltata sum iuxta aquam in plateis. Sicut cinnamomum et balsamum aromatizans odorem dedi; quasi myrrha electa dedi suavitatem odoris. Tu autem, Domine, miserere nobis.

​

℟. Deo gratias

 

Cuando se dice el Te Deum se omite el siguiente Responsorio

 

Responsio

℣. Sancta et immaculata virginitas, quibus te efferam, nescio.

℟. Quia quem cœli capere non poterant, tuo gremio contulisti.

℣. Benedicta tu in mulieribus, et benedictus fructus ventris tui.

℟. Quia quem cœli capere non poterant, tuo gremio contulisti.

​

 

Benedictio

℣. Jube, domne, benedicere.​

Ipsa Virgo virginum intercedat pro nobis ad Dominum.​

℟. Amen.

​​

El Segundo Oficio 

(Adviento)

 

Primera Lectura

Lucam 1, 26-28.

             In mense autem sexto missus est angelus Gabriel a Deo in civitatem Galilaeae, cui nomen Nazareth, ad virginem desponsatam viro, cui nomen erat Ioseph de domo David, et nomen virginis Maria. Et ingressus ad eam dixit: “Ave, gratia plena, Dominus tecum”. Tu autem, Domine, miserere nobis.

℟. Deo gratias.

 

Responsio

℣. Missus est Gabriel Angelus ad Mariam Virginem, desponsatam Joseph, nuntians ei Verbum: Et expavescit Virgo de lumine. Ne timeas Maria: invenisti gratiam apud Dominum.

℟. Ecce concipies et paries, et vocabitur Altissimi Filius.

℣. Dabit illi Dominus Deus sedem David patris eius, et regnabit in domo Iacob in æternum.

℟. Ecce concipies et paries Filium, et vocabitur Altissimi Filius.

​

 

Benedictio

℣. Jube, domne,  benedictione.

Ipsa Virgo Virginum intercedat pro nobis ante Dominum.

℟. Amen.

 

Segunda Lectura

Lucam 1, 29-33.

              Ipsa autem turbata est in sermone eius et cogitabat qualis esset ista salutatio.  Et ait angelus ei: “Ne timeas, Maria; invenisti enim gratiam apud Deum. Et ecce concipies in utero et paries filium et vocabis nomen eius Iesum. Hic erit magnus et Filius Altissimi vocabitur, et dabit illi Dominus Deus sedem David patris eius, et regnabit super domum Iacob in aeternum, et regni eius non erit finis”. Tu autem, Domine, miserere nobis.

℟. Deo gratias.

 

Responsio

℣.  Ave Maria, gratia plena; Dominus tecum.

℟. Spiritus Sanctus superveniet in te, et virtus Altissimi obumbrabit tibi: quod enim ex te nascetur Sanctum, vocabitur Filius Dei.

℣. Quomodo fiet istud, quoniam virum non cognosco? Et respondens angelus, dixit ei:

℟. Spiritus Sanctus superveniet in te, et virtus Altissimi obumbrabit tibi: quod enim ex te nascetur Sanctum, vocabitur Filius Dei.

 

En días festivos con Oficio de Adviento se añade

℣. Gloria Patri, et Filio, et Spiritui Sancto.

℟. Spiritus Sanctus superveniet in te, et virtus Altissimi obumbrabit tibi: quod enim ex te nascetur Sanctum, vocabitur Filius Dei.

​

 

Benedictio

℣. Jube, domne, benedicere.

Per Virginem Matrem concedat nobis Dominus salutem et pacem. 

℟. Amen.

​​

Tercera Lectura

Lucam 1, 34-38

 

          Dixit autem Maria ad angelum: “Quomodo fiet istud, quoniam virum non cognosco?”. Et respondens angelus dixit ei: “Spiritus Sanctus superveniet in te, et virtus Altissimi obumbrabit tibi: ideoque et quod nascetur sanctum, vocabitur Filius Dei.  Et ecce Elisabeth cognata tua et ipsa concepit filium in senecta sua, et hic mensis est sextus illi, quae vocatur sterilis, quia non erit impossibile apud Deum omne verbum”. 
Dixit autem Maria: “Ecce ancilla Domini; fiat mihi secundum verbum tuum”. Et discessit ab illa angelus. Tu autem, Domine, miserere nobis.

​

℟. Deo gratias.​​

​

En los dias festivos con oficio de Adviento, en lugar del siguiente responsorio se dice el Te Deum

Responsio

​

℣.  Suscipe verbum, Virgo Maria, quod tibi a Domino per angelum transmissum est: concipies et paries Deum pariter et honimem.

℟. Ut benedicta dicaris inter omnes mulieres.

℣. Paries quidem filium, et virginitatis non patieris detrimentum: efficieris gravida, et eris mater semper intacta.

℟. Ut benedicta dicaris inter omnes mulieres.

℣. Gloria Patri, et Filio, et Spiritui Sancto.

℟. Ut benedicta dicaris inter omnes mulieres.

​

             El Te Deum no se dice desde Septuagésima hasta Pascua más que en las fiestas de Nuestra Señora y de San José; en su lugar se dice:

 

℟. Quia beata es, beata Virgo Maria, et omni laude dignissima: A te enim sol justitiæ, Christus Deus noster.

℣. Ora pro populo, interveni pro clero, intercede pro devotæ mulieres: sentiant tuum auxilium omnes qui celebrant tuam sanctam commemorationem.

℟. Quia ex te orta est sol justitiæ.

℣. Gloria Patri, et Filio, et Spiritui Sancto. 

℟. Christus Deus noster.​

 

En el Adviento no se dice el Te Deum, excepto en las fiestas de la Santisma Virgen.

Cuando se dice Te Deum se omite el tercer resposorio y gloria al Padre (Porque eres feliz…)

 

Te Deum Laudamus

(cuando corresponda su rezo)

​

Te Deum laudamus: te Dominum confitemur.
Te æternum Patrem omnis terra veneratur.

Tibi omnes Angeli; tibi cæli et universæ potestates.
Tibi Cherubim et Seraphim incessabili voce proclamant:

 

(Reverencia) 

Sanctus, Sanctus, Sanctus, Dominus Deus Sabaoth.

Pleni sunt cæli et terra majestatis gloriæ tuæ.
Te gloriosus Apostolorum chorus;
Te Prophetarum laudabilis numerus;
Te Martyrum candidatus laudat exercitus.

Te per orbem terrarum sancta confitetur Ecclesia:
Patrem immensæ majestatis;
Venerandum tuum verum et unicum Filium;

Sanctum quoque Paraclitum Spiritum.
Tu Rex gloriæ, Christe.
Tu Patris sempiternus es Filius.

​

(Reverencia) 

Tu ad liberandum suscepturus hominem, non horruisti Virginis uterum.

Tu, devicto mortis aculeo, aperuisti credentibus regna cælorum.
Tu ad dexteram Dei sedes, in gloria Patris.
Judex crederis esse venturus.

 

(El siguiente verso se dice de rodillas)

Te ergo quaesumus, tuis famulis subveni, quos pretioso sanguine redemisti.
Æterna fac cum sanctis tuis in gloria numerari.
Salvum fac populum tuum, Domine, et benedic hæreditati tuæ.
Et rege eos, et extolle illos usque in æternum.
Per singulos dies benedícimus te.

​

(Reverencia, como es costumbre) 

​

Et laudamus nomen tuum in sæculum, et in sæculum sæculi.
Dignare, Domine, die isto sine peccato nos custodire.
Miserere nostri, Domine, miserere nostri.
Fiat misericordia tua, Domine, super nos, quemadmodum speravimus in te.
In te, Domine, speravi: non confundar in æternum.

 

Oremus

(Para los tres Oficios)

             Deus, qui de beatæ Mariæ Virginis utero Verbum tuum, Angelo nuntiante, carnem suscipere voluisti: præsta supplicibus tuis, ut, qui vere eam Genitricem Dei credimus, ejus apud te intercessionibus adjuvemur per eundem Dominum nostrum Iesum Christum, Filium tuum, qui tecum vivit et regnat in unitate Spiritus Sancti, Deus, per omnia sæcula saeculorum.

℟. Amen.

 

Conclusio

℣. Domine, exaudi orationem meam.

℟. Et clamor meus ad te veniat.

℣. Benedicamus Domino.

℟. Deo gratias.

℣. Fidelium animæ per misericordiam Dei requiescant in pace.

℟. Amen.

 

             Pater noster, qui es in cælis, sanctificetur nomen tuum; adveniat regnum tuum; Fiat voluntas tua, sicut in cælo et in terra. Panem nostrum quotidianum da nobis hodie; sicut et nos dimittimus debitoribus nostris. Et ne nos inducas in tentationem, sed libera nos a malo. Amen.

 

Se sigue con Laudes

 

Si aquí se termina el oficio se rezan las: Oraciones para después del Oficio en latín (A la Santísima e Indivisa Trinidad…

y la antífona mariana correspondiente).

​

Ir al Corpus Mariano